या तारखेपासून राज्यात आवकाळी पाऊस ; तोडकर यांच्या अंदाजानुसार बंगालच्या उपसागरात तयार झालेल्या कमी दाबाच्या प्रणालीमुळे महाराष्ट्राच्या हवामानात मोठे बदल अपेक्षित आहेत. सुरुवातीला दक्षिण भारतावर प्रभाव टाकणारी ही प्रणाली आता वायव्येकडील वाऱ्यांच्या स्थितीमुळे उत्तरेकडे सरकण्याची शक्यता आहे. या हवामान बदलाची सक्रियता नोव्हेंबरच्या बाविसाव्या तारखेपासून दक्षिण महाराष्ट्र आणि मराठवाड्याच्या भागांमध्ये सुरू होईल.
मराठवाडा आणि दक्षिण महाराष्ट्रात पाऊस
ही प्रणाली सक्रिय झाल्यानंतर पहिले दोन दिवस पाऊस हलका ते मध्यम स्वरूपाचा असेल. नांदेड, लातूर, धाराशिव (उस्मानाबाद), सोलापूर, सांगली आणि कोल्हापूर या पट्ट्यात ढगाळ हवामान राहील आणि सूर्यदर्शन मर्यादित असेल. या भागांमध्ये पावसाचे प्रमाण साधारणतः २ ते ४ मिलिमीटर म्हणजेच ‘पेंडवणी’ स्वरूपाचे असेल. याव्यतिरिक्त, अहिल्यानगर (अहमदनगर) आणि परभणी या जिल्ह्यांमध्येही पावसाचा प्रभाव दिसेल. (तोडकर)
