शेतकऱ्यांसाठी खुशखबर: पीक विमा योजनेत महत्त्वाचे बदल, जूने ट्रिगर लागू ; प्रधानमंत्री पीक विमा योजनेच्या (PMFBY) संदर्भात शेतकऱ्यांसाठी एक अत्यंत दिलासादायक आणि महत्त्वपूर्ण बातमी आहे. केंद्र शासनाच्या कृषी मंत्रालयाने अखेर या पीक विमा योजनेत मोठे बदल करण्याच्या प्रस्तावाला मंजुरी दिली आहे. १८ नोव्हेंबर २०२५ रोजी घेण्यात आलेल्या या निर्णयामुळे पीक विमा योजनेमध्ये काही महत्त्वाचे ‘ट्रिगर’ लागू केले जाणार आहेत, ज्यामुळे शेतकऱ्यांना अनेक वर्षांपासून भेडसावणाऱ्या समस्यांवर तोडगा मिळणार आहे. हा बदल खरीप हंगाम २०२६ पासून देशभरात लागू होणार आहे आणि यासाठी लवकरच नवीन मार्गदर्शक सूचना निर्गमित केल्या जातील.
या सुधारणांमधील सर्वात महत्त्वाचा भाग म्हणजे दोन प्रमुख नुकसानीच्या कारणांचा विमा योजनेत समावेश करण्यात आला आहे. पहिला, वन्य प्राण्यांमुळे होणारे पिकाचे नुकसान. माकड, नीलगाय, हत्ती किंवा इतर वन्य प्राण्यांकडून शेतीचे मोठे नुकसान होते, परंतु आतापर्यंत ही बाब विमा संरक्षणाखाली नसल्यामुळे शेतकऱ्यांची नुकसान भरपाई मिळवण्याची वाट बिकट होती. आता या नुकसानीची भरपाई मिळवण्याचा मार्ग मोकळा झाला आहे.
