हरभरा पाणी व्यवस्थापन – हरभरा पिकाचे पाणी व्यवस्थापन अत्यंत महत्त्वाचे आहे, कारण हे पीक पाण्यासाठी फार संवेदनशील (Sensitive) असते. या पिकाला जास्त पाणी अजिबात चालत नाही. शेतकरी बंधूंनी हे लक्षात ठेवावे की, जर प्रमाणापेक्षा अधिक पाणी दिले गेले किंवा जमिनीमध्ये पाण्याचा निचरा व्यवस्थित न झाल्यास पाणी साचून राहिले, तर लगेच मुळकूज (Root Rot), फुझारियम विल्ट (Fusarium Wilt) यांसारखे रोग पिकावर हल्ला करू शकतात. अशा रोगांमुळे पिकाचे मोठे नुकसान होते. त्यामुळे हरभरा पिकाला आवश्यकतेनुसारच पाणी द्यावे आणि जास्त पाणी देणे कटाक्षाने टाळावे.
हरभरा पाणी व्यवस्थापनात दोन गोष्टी अत्यंत महत्त्वाच्या आहेत, ज्या टाळणे आवश्यक आहे: पहिली म्हणजे अतिरिक्त पाणी देणे आणि दुसरी म्हणजे पीक ‘भर फुलात’ असताना पाणी देणे. भर फुलात असताना, विशेषत: तान (stress) पडल्यानंतर पाणी दिले गेल्यास, मोठ्या प्रमाणात फुलांची गळ (flower drop) होऊ शकते, ज्यामुळे उत्पादनावर नकारात्मक परिणाम होतो. त्यामुळे, हरभरा भर फुलात असताना पाणी देणे पूर्णपणे टाळावे.
