मुख्यमंत्री माझी लाडकी बहीण योजनेच्या ई-केवायसी (e-KYC) प्रक्रियेसाठी अखेर मुदतवाढ मिळाली आहे. दोन कोटींपेक्षा जास्त लाभार्थी असलेल्या या योजनेसाठी पूर्वी ई-केवायसी पूर्ण करण्याची अंतिम तारीख १८ नोव्हेंबर २०२५ निश्चित करण्यात आली होती. मात्र, ही तारीख जवळ आल्याने आणि अनेक महिलांची केवायसी अपूर्ण राहिल्याने मोठा गोंधळ निर्माण झाला होता. राज्याच्या विविध भागांतील परिस्थिती आणि तांत्रिक अडचणी विचारात घेऊन राज्य शासनाने पात्र महिलांना दिलासा देणारा एक महत्त्वपूर्ण निर्णय घेतला आहे. आता सर्व पात्र महिला लाभार्थ्यांना ई-केवायसी प्रक्रिया पूर्ण करण्यासाठी ३१ डिसेंबर २०२५ पर्यंत मुदतवाढ देण्यात आली आहे.
या मुदतवाढीची गरज अनेक कारणांमुळे निर्माण झाली होती. राज्यामध्ये अतिवृष्टी तसेच इतर नैसर्गिक आपत्तींमुळे बऱ्याच महिलांना वेळेत केवायसी पूर्ण करता आली नाही. त्याचबरोबर, योजनेच्या पोर्टलवर वारंवार तांत्रिक बिघाड होत होते.
