चक्रीवादळाचे संकेत ; महाराष्ट्रात पुन्हा वातावरन बिघडनार? मच्छिंद्र बांगर हवामान अंदाज ; हवामानामध्ये मोठे बदल दिसून येत आहेत. बंगालच्या उपसागरामध्ये कमी दाबाचे क्षेत्र विकसित झाले असून, उत्तर भारतात एक अतिशय प्रभावी वेस्टर्न डिस्टर्बन्स (डब्ल्यूडी) सक्रिय आहे. या डब्ल्यूडीमुळे मैदानी भागांमध्ये पाऊस होण्याची शक्यता असून, असा पाऊस झाल्यास गारपीट होण्याची शक्यता असते. पूर्व राजस्थान, उत्तर प्रदेश, झारखंड, छत्तीसगड, मध्य प्रदेश आणि महाराष्ट्रासह विदर्भात थंडीची लाट जाणवत आहे. महाराष्ट्रावर, तेलंगणा आणि उत्तर कर्नाटकातही थंडीचा प्रभाव दिसून येतो.
दक्षिण भारतामध्ये (जसे की रायल सीमा, आंध्र प्रदेश, तामिळनाडू आणि केरळ) पावसाळी परिस्थिती तयार होत आहे. या ठिकाणी मेघगर्जनेसह विजांच्या कडकडाटात मुसळधार पाऊस अपेक्षित आहे. तामिळनाडूमध्येही मुसळधार पावसाचा अंदाज देण्यात आला आहे. हवामान मॉडेलनुसार महाराष्ट्रात पावसाळी वातावरण तयार होण्याचा अंदाज आहे.
